د چین حکومت به نن خپله لومړۍ کارګو یا بار وړونکې فضايي بېړۍ چې له انسانه پرته پرواز کوي، والوزوي.
د چین دولتي خبري اژانس سینهوا وايي، دا کارګو سفینه به چې د چین حکومت "تیانژو-۱" یا "جنتي بېړۍ" بللې ده چې نن د کابل په وخت تر غرمې وروسته، د هغه هېواد له هینان ټاپو څخه والوزول شي.
دا فضايي بېړۍ به د چین فضايي لابراتوار "تیانګونګ -۲" ته واستول شي چې تېر کال دوو چینايي فضا نوردانو تقریباً یوه میاشت وخت تېرکړ.
دا د چین تر ټولو اوږدمهالی فضايي مأموریت و.
د سینهوا په حواله، د نننۍ کارګو سفینې پرواز د داسې دایمي فضايي سټېشن د جوړولو لپاره ډېر مهم رول لري چې انسان وخت پهکې تېرولای او پاتې کېدلای شي.
چین اول وار په ۲۰۰۳ میلادي کال کې خپله اوله فضايي بېړۍ چې انسانان پهکې سپاره وو، والوزوله او ۱۰ کاله وروستهیې فضانوردان پر سپوږمۍ راښکته شول خو هغه مأموریتیې زیاتې تخنیکي ستونزې لرلې.