د امریکا د مرستو ادارې "یو. اېس. اېډ" د افغانستان د پوهنې له وزارت سره د کتابونو د چاپ لپاره د ۷۵ میلیونه ډالرو مرستې ژمنه وکړه.
د افغانستان د پوهنې وزیر اسدالله حنیف بلخي ازادي راډیو ته وویل چې دا ژمنه د عمومي تعلیماتو له مرستیال ابراهیم شینواري سره د چهارشنبې په ورځ د غونډې پر مهال وشوه.
ښاغلی بلخي زیاتوي:
"زموږ د عمومي تعلیماتو مرستیال د امریکا د متحده ایالاتو د پرمختیایي ادارې له استازو سره غونډه لرله، هغوی د راتلونکو پنځو کلونو لپاره د کتابونو د چاپ لپاره ۷۵ میلیونه ډالره ځانګړي کړل."
د پوهنې وزیر په وینا افغانستان په تېرو کلونو کې د کتابونو د چاپ لپاره ځانګړې بودجه نهلرله، همدا علت و چې د مرستندویه مؤسسو په مرسته به د زدهکوونکو د شمېر په پرتله لږ کتابونه چاپېدل.
د پوهنې وزیر هیلهمند دی چې د «یو. اېس. اېډ» په مرسته به روان کال د ژمي تر رارسېدو مخکې د راتلونکي کال کتابونه چاپ شي.