د بادغیس چارواکي وايي، پرون سې شنبه د قادس په ولسوالۍ کې د وسلهوالو طالبانو په یوه برید کې شپږ تنه سیمهییز پولیس وژل شوي دي.
د بادغیس د والي ویاند ظاهر بهاند ازادي راډیو ته وویل چې برید د پولیسو پر یوه رنجر موټر شوی دی.
ښاغلي بهاند وویل:
"د قادس-قلعهنو تر منځ لاره کې د خیرخانې په سیمه کې د پولیسو پر موټر د راکټ برید شوی، د سیمهییزو پولیسو شپږ تنه زړور سرتېري شهیدان شوي او دوه نور ټپیان دي."
د بادغیس د والي ویاند زیاته کړه چې له دې پېښې وروسته په سیمه کې له بریدګرو طالبانو سره یو ساعت جګړه شوې چې هغوی له سیمې تښتېدلي دي.
وسلهوالو طالبانو په دې اړه تر اوسه کومه تبصره نهده کړې.