د تاجکستان امنیتي چارواکي وايي، د افغانستان په ننګرهار ولایت کې د امریکا د پوځ د تر ټولو لوی بمي برید په ترڅ کې هغه تاجک وسلهوال هم وژل شوی دی چې په ۲۰۱۵ میلادي کال کې له داعش سره یوځای شوی و.
د تاجکستان یوه امنیتي چارواکي د نوم نهښودلو په شرط د ازادي راډیو تاجکي څانګې ته پرون دوشنبه وویل شیر محمد سفروف په اچین ولسوالۍ کې د داعش پر مرکز په وروستي بمي حمله کې وژل شوی دی.
تاجک چارواکی وايي، سفروف په ۲۰۱۶ میلادي کال کې په بدخشان ولایت کې و او هم هغه مهال له داعش سره د یوځای شویو تاجکانو مشر ټاکل شوی و.
د تاجکستان حکومت وايي، د اچین بمبارۍ کې د ۱۱ نورو تاجک اتباعو د وژل کېدو راپورونه هم څېړي.
د افغانستان د دفاع وزارت وايي، په اچین کې د داعش پر ضد د تر ټولو لوی غیر اټمي بم یا د امریکا د پوځ په اصطلاح د ټولو بمونو د مور بم په حمله کې یو شمېر ازبک وسلهوال هم وژل شوي دي.