په سوريه کې پر بس موټرونو د بمي حملې له کبله د وژل شويو شمېر ١١٢ تنو ته ورسېد.
دا خبره د سوريې لپاره د بشري حقونو د څار ډلې نن وکړه.
په دغو بسونو کې د دولت تر ولکې لاندې دوو ښارونو څخه د سوريې وګړي لېږدول کېدل.
دغه څارونکې ډله وايي ٩٨ کسان چې له شمالي ښارګوټو په راوتو وو، هغه وخت ووژل شول چې په چاودېدونکو موادو ډک موټر پرون د حلب په لوېديځ کې د دوى له بسونو سره وجنګول شو.
د سوريې لپاره د بشري حقونو د څار ډلې په وينا پاتې وژل شوي کسان خيريه کارکوونکي او هغه ګمارل شوي ياغيان دي چې د بسونو ساتنه او څارنهيې کوله.
په دغو بسونو کې زرګونه هغه شيعهګان انتقالېدل چې د ولسمشر بشارالاسد ملاتړ کوي.
دوى د حلب هغو کليو ته لېږدول کېدل چې د دولتي ځواکونو او د ياغي ډلو د جګړې اولې کرښې ته څېرمه پراته دي.