د هلمند په ناوې ولسوالۍ کې په هغو پوځي عملياتو کې چې د پنجشنبې په ورځ پيل شوي، تر اوسه د دولت ٨ وسله وال طالبان وژل شوي دي.
د والي وياند عمر ځواک ازادي راډيو ته وويل، په دغو عملياتو کې بهرني ځواکونه هم ونډه لري:
«اته وسله وال مخالفین وژل شوي، ۴ تنه يې ټپيان دي، افغان قواوو شپږ کېلومتره پرمختګ کړى، هلته د پوستو په ايجاد اخته دي، بهرني ځواکونه يې هم ملتيا کوي.»
د والي وياند وايي د عملياتو په لړ کې څلور افغان پوځيان ټپيان او يو تن وژل شوى دى.
تر دې مخکې د هلمند په نورو ولسواليو کې هم د پوځي عملياتو د ترسره کېدو خبر ورکړل شوى دى.
وسله والو طالبانو تردامهاله په دې اړه څه نه دي ویلي.