د افغانستان دفاع وزارت وايي په هېواد کې د روانې جګړې د کابو کولو لپاره افغان ځواکونو لا زیاتو الوتکو ته اړتیا لري.
د دغه وزارت مرستیال ویاند محمد رادمنش نن ازادي راډیو ته وویل، دا مهال امریکا افغان حکومت ته شاوخوا ۱۵۰ بېلابېلې الوتکې ورکړې او دا لړۍ همداسې دوام لري:
"اړتیا ده چې له دوه سوه او درې سوه زیاتې الوتکې د افغانستان هوايي ځواکونو کې فعالیت ولري."
د راپورونو له مخې یو جګ پوړی امریکايي پلاوی افغانستان ته راځي او د بېلابېلو مسایلو ترڅنګ، افغان حکومت ته د ۲۰۰ الوتکو د ورکړې په موضوع هم له افغان چارواکو سره خبرې کوي.