د هلمند والي وايي، د دې ولایت لپاره د نوي پوځي پلان په عملې کېدو به د مرکز لښکرګاه شاوخوا سیمو کې د دولت وسلهوال مخالفین وځپل شي.
حیاتالله حیات پرون ازادي راډیو ته وویل، وسلهوالو چې د هغه په خبره د سیمې استخبارات يې ترشاه دي، په تېر ژمي کې ډېره هڅه وکړه چې لښکرګاه ونیسي خو افغان امنیتي سرتېرو يې دا هڅه ناکامه کړه.
د لښکرګاه شاوخوا او د هلمند مرکزي سیمو کې له میاشتو راهیسې د دولت وسلهوال مخالفین فعال دي او هلمند په تېر ژمي کې د افغان امنیتي ځواکونو او طالبانو ترمنځ څو ځله د سترو او خونړیو جګړو شاهد و.