د افغانستان د کورنیو چارو وزارت په جرمني کې د طالبانو د یوه پخواني قوماندان د نیولو هرکلی کړی او دا یې مؤثر اقدام بللی دی.
د کورنیو چارو وزارت مرستیال ویاند نجیب دانش ازادي راډیو ته وویل، دا ډول کسان هم د افغانستان او هم د نورو هېوادونو لپاره ګواښ دی.
نجیب دانش زیاته کړه:
"له نېکهمرغه دې وروستیو کې د نړۍ په هر ګوټ کې د ترهګرۍ پر ضد یوه نړیواله اجماع رامنځته شوې. له همدې کبله هر ځای چې ترهګر ځان څرګند کړي یا نیول کېږي او یا ځپل کېږي."
د جرمني د فدرالي څارنوال دفتر پرون وویل چې د عبدالله په نومیې ۳۰ کلن افغان د مارچ په ۲۳مه نېټه د بایرن په ایالت کې نیولی دی.
جرمني چارواکي وايي، ګومان کوي چې نیول شوی کس د افغان طالبانو یو پخوانی قوماندان دی او څو کاله مخکې یې افغانستان کې په هغه برید کې لاس درلود چې پهکې ۱۶ افغان او امریکايي سرتېري وژل شوي وو.