په فراه ولایت کې امنیتي ځواکونو او عاجلو ناروغانو ته د وینې ورکولو درې ورځنی کمپاین روان دی.
د فراه چارواکي وايي، تر اوسه پورې د دې ولایت مدني فعالانو او ځوانانو شااوخوا ۱۰ زره سي سي وینه ورکړې ده.
فراهي ځوانان وايي، غواړي د خپلو وینو په ورکولو سره د هېواد د سرتېرو او هغو ناروغانو ژوند وژغوري چې وینې ته اړتیا لري.
د فراه د ولایتي روغتون مشر د مدني فعالانو او ځوانانو له دې کمپاینه خوښي څرګنده کړې ده او وايي چې د دوی د وینې بانک په دې وروستیو کې د وینې له کمښت سره مخ و چې دا کمپاین بهيې اړتیاوې پوره کړي.