لیتوانیا او اوکراین د بېلاروس د ولسمشر الکساندر لوکاشینکا دا تورونه رد کړل چې ویلي یې دي، دغه دوه هېوادونه په بېلاروس کې خلک وسلهواله فعالیتونو ته هڅوي.
د سې شنبې په ورځ لوکاشینکا ویلي و چې شاوخوا ۲۰ تنو چې بېلاروس او اوکراین کې په وسلهوالو کمپونو کې روزل شوي وو او اکثر یې د لیتوانیا او پولنډ وو د بېلاروس په بېلابېلو سیمو کې د وسلهوال تحریک پلان درلود.
د لېتوانیا د بهرنیو چارو وزیر پرون خبریالانو ته وویل، د لوکاشینکا خبرې بې بنسټه دي.
د اوکراین د بهرنیو چارو وزیر بیا د لوکاشینکا خبرې له حقیقته لېرې وبللې.
په وروستیو اونیو کې په زرګونو کسانو په بېلاروس کې د مالیو پر ضد مظاهرې وکړې.
د مارچ له لومړۍنېټې راپه دې خوا په بېلاروس کې تر یو نیم سل ډېر مظاهرهچیان نیول شوي دي او په لسګونو نور یا جریمه شوي او یا هم ۱۵ ورځې په بند کې ساتل شوي او بیا خوشې شوي دي.