د افغانستان د ملي امنیت شورا وايي، په لندن کې د افغانستان او پاکستان ترمنځ د موجود سیاسي وضعیت د ښه کېدو لپاره په بحثونو کې پرمختګ شوی.
د ملي امنیت شورا له دفتره نن په خپره شوې خبرپاڼه کې راغلي بحثونو کې پریکړه وشوه چې د موجوده وضعیت د بشپړ ښه کېدو لپاره به دا بحثونه په راتلونکي کې هم دوام ولري.
د افغانستان، انګلستان او پاکستان ترمنځ د انګلستان په پلازمېنه لندن کې تېره ورځ درې اړخېزه ناسته ترسره شوه.
په دې ناسته کې د افغانستان د ملي امنیت سلاکار محمد حنیف اتمر او اسلاماباد کې د افغانستان لوی سفیر حضرت عمر زاخېلوال، د پاکستان د صدراعظم د بهرنۍ چارو سلاکار سرتاج عزیز او د انګلستان د ملي امنیت سلاکار مارک لېل ګرېنټ ګډون درلود.