د افغانستان ملي دفاع وزارت نن د سردار محمد داوود خان د روغتون د پاکولو حشر لري.
په دې حشر کې د چهار صدبستر روغتون کارکوونکي هم ګډون لري.
د افغانستان د ملي دفاع وزارت مرستیال ویاند محمد رادمنش وویل، هڅه کوي چې دا روغتون ژر تر ژره د خلکو خدمت ته بیا فعال شي.
د چهارشنبې په سهار، کابل کې د سردار محمد داوود خان پر روغتون حملې کې تر ۵۰ زیات کسان ووژل او لس هاوو نور زخمیان شول.
په حمله کې د افغانستان د دې ستر پوځي روغتون ودانۍ ته زیات زیان رسېدلی دی.
محمد رادمنش نن ازادي راډیو ته وویل، د عسکرو یو اضافي ټولی سیمه کې ځای پر ځای شوي او ډاډ يې څرګند کړ چې پر دې روغتون بیا به داسې حمله نه تکرارېږي.