د اسرائیل صدراعظم د روسيې ولسمشر ته ویلي تر څو پورې چې ایراني سرتېري او پوځي سلاکاران په سوریه کې موجود وي، په دغه هېواد کې سوله نه شي راتلای.
بنیامین نتانیاهو پرون په مسکو کې د روسيې له مشر ولادمیر پوتین سره ولیدل.
د نتانیاهو دفتر ویلي نوموړي له ولسمشر پوتین سره په کتنه کې په سوریه کې د ایران د نیت په اړه په تفصیل خبرې وکړې.
د اسرائیل صدراعظم ویلي ترکومې پورې چې ایران هلته وي او وايي چې اسرائیل به له منځه یوسي، سوله به ونه شي.
ایران او د تهران له ملاتړنه برخمنه وسله واله ډله حزب الله د سوريې په جګړه کې د بشار اسد له حکومت ملاتړ کوي.
اسرائیل او متحده ایالات حزب الله یو تروریستي سازمان ګڼي.