د بدخشان سیمه ییز چارواکي وايي چې وسلهوالو طالبانو دغه ولایت کې یوه ښځه سنګسار کړې ده.
د وردوج ولسوال دولت محمد خاور نن ازادي راډيو ته وویل چې دا ښځه دوه ورځې وړاندې له یوه هلک سره د نامشروع جنسي اړیکې له امله په عام محضر کې سنګسار شوې ده.
هغه وايي چې تورن هلک د وسلهوالو طالبانو له لوري په دُرو وهل شوی.
"هغه د طالبانو له لوري نیول شوې او بیا د ولسوالۍ مرکز ته راوړل شوې چې دغه ښځه په عام محضر کې سنګسار شوې او هلک یې په دُره وهلی."
د بدخشان د وردوج ولسوالۍ دا مهال د وسلهوالو طالبانو په کنټرول کې ده.
دا په داسې حال کې ده چې شاوخوا یوه میاشت وړاندې د بدخشان یمګان ولسوالۍ کې د وسلهوالو طالبانو له لوري یوه ښځه وژل شوې وه.