د بحرین د کورنیو چارو وزارت وايي، پر یو بس بمي چاودنه کې د دې هېواد څلور تنه پولیس ټپیان شوي دي.
دا پېښه پرون د بحرین پلازمېنې منامې په جنوب کې یو کلي کې شوې ده.
د بحرین د کورنیو چارو وزارت پر ټویټر خپاره کړي بیان کې ویلي:
"دا ترورېستي چاودنه د جوو په نوم کلي کې د پولیسو پر بس شوې، څلور تنه پولیسیې ټپیان کړي چې روغتیايي وضعیتیې ښه دی."
د پېښې په اړه نور جزئیات نهدي ورکړل شوي.
تر دې مخکې د میلادي کال په لومړۍ ورځ دې کلي کې وسلهوالو کسانو پر یو زندان برید کړی و، یو تن پولیسیې وژلی او لس تنه بندیانیې خوشې کړي وو.