د افغانستان ولسمشر محمد اشرف غني وايي، په مرکزي سیمو کې د سړکونو جوړولو لږترلږه لس پروژې پیل شوې چې یو ملیارد ډالر لګښت پرې راځي.
ولسمشر غني ویلي، مرکزي سیمو ته د برېښنا لېږدولو د پروژې مقدماتي کار هم پیل شوی اود پلان پر اساس به بشپړه شي.
د افغانستان مرکزي سیمو ته د ترکمنستان د برق د لېږدولو د پروژې په اړه یو شمېر اعتراضونه هم شوي وو خو د افغانستان حکومت وايي چې د دې پروژې له بشپړېدو سره به په ځانګړي ډول د بامیان ډېرو کورنیو ته برق ورسېږي.
ولسمشر غني دا څرګندونې نن د حزب وحدت د يوه پخواني مشر عبدالعلي مزاري د وژل کېدو د ۲۲ تلین په مناسبت په یوه خبرپاڼه کې وکړې.
ښاغلي غني عبدالعلي مرازي ته د ملي وحدت د شهید نوم ورکړی دی.