د افغانستان لپاره د ملګرو ملتونو ځانګړي استازي پرون د کابل او اسلاماباد تر منځ د تازه کړکېچ په اړه د پاکستان صدراعظم له سلاکار سره خبرې وکړې.
تدامیچي یاماموتو په اسلاماباد کې له طارق فاطمي سره په داسې حال کې وکتل چې د راپورونو له مخې پاکستان تورخم او چمن سیمو سره نېږدې درنې وسلې او ټانکونه ځای پر ځای کړي دي.
پاکستاني رسنیو د بهرنیو چارو وزارت ویاند نفیس زکریا له قوله ویلي چې د یاماموتو او فاطمي تر منځ خبرې د افغانستان د سولې پر مسئله متمرکزې وې.
د پاکستان په سند ایالت او نورو سیمو کې د وروستیو چاودنو او وسلهوالو بریدونو راپدېخوا پاکستان پر ډیورند کرښه پرتو افغان سیمو راکټي بریدونه پیل کړي.
افغان حکومت هم دې سیمو ته اضافي ځواکونه استولي او د پاکستاني ځواکونو د هر ډول تېري د ځوابولو ګواښیې کړی دی.