ټاکل شوې د افغانستان ولسمشر اشرف غني د مونېخ په امنیتي غونډه کې د ترورېزم د ګواښونو په اړه بحث وکړي.
دا غونډه نن په جرمني کې پیلېږي او دوه ورځې به دوام لري.
د افغانستان حکومت اجرائیه ریاست تمه لري چې د دې غونډې ترسره کېدل به د ترورېزم په وړاندې مبارزې برخه کې له افغان حکومت سره د نړیوالې ټولنې همکاري ډېره کړي.
د اجرائیه ریاست مرستیال ویاند امید میثم ازادي راډیو ته وویل:
"زموږ تمه دا ده چې دغه غونډه په حقیقت کې د افغانستان د حکومت او ملت سره د همکاریو د ډېرېدو لامل شي ، څو د هغې ګډې مبارزې چې کلونه وړاندي پیل شوې ، ډېر ژر نتیجه واخلو."
ټاکل شوې د مونېخ د امنیتي غونډې په څنډو کې د مشارکت او پرمختیا په نوم یو تړون هم د افغان چارواکو او د اروپایې ټولنې ترمنځ لاسلیک شي.
ولسمشر غني تېرماښام د یوه لوړ پوړي پلاوي په مشرۍ جرمني ته سفر وکړ.