د ننګرهار ولایتي چارواکي وايي، د تېرو ۲۴ ساعتونو په جریان کې په کوټ او هسکې مېنې ولسواليو کې د ځمکني او هوايي بریدونو په پایله کې ۱۶ تنه داعشيان وژل شوي دي.
د ولایت ویاند عطالله خوګياڼی وايي، د هسکې مېنې ولسوالۍ په نرۍ اوبو او چهاروازو سیمو کې د هوايي بریدونو له امله ۱۱ تنه داعش وژل شوي او د کوټ په سي پای سیمه کې د ځمکنیو بریدونو له امله پنځه تنه داعش وژل شوي او دوه نور ټپيان دي.
نوموړی وايي، په روانو عملياتو کې د داعش وسلهوالو دوه پټنځایونه هم تخریب کړي دي او نهه شکمن کسانيې نیولي دي چې اوسمهال د څېړنو لاندې دي.
داعش وسلهوالو تر اوسه د دې عملياتو په تړاو رسنیو ته څه نهدي ویلي.