د پاکستان په لاهور ښار کې د ولايتي يا صوبايي اسمبلۍ مخې ته بمي چاودنه شوې ده چې پکې ګڼ شمېر کسان ټپيان شوي دي.
د ځايي رسنيو لکه جيو تلويزيون د راپورونو له مخې، دا چاودنه نن ماښام وشوه او ځايي روغتون ته درې مړي او پنځويشت ټپيان وروړل شوي دي.
د راپورونو له مخې دا بمي چاودنه د یوه لاریون پر مهال شوې ده.
لسګونو فارماسستانو په پاکستان کې د حکومت له خوا د يوه نوي قانون په اعتراض کې لاريون کاوه او په دغه قانون کې يې اصلاحات غوښتل.
د اسوشيېټیډ پريس د راپور له مخې، د دې پېښې پړه د طالبانو يوې ډلې پر غاړه اخيستې ده.
په لاهور کې تېر کال د عيسويانو د اختر پر مهال په یوه درنه بمي چاودنه کې ګڼ شمېر کسانو ته مرګ ژوبله اووښتې وه.