د ننګرهار امنیتي چارواکي وايي چې هسکه مېنه ولسوالۍ کې د بېپیلوټه الوتکې په دوو بېلابېلو حملو کې دوه داعش جنګیالي وژل شوي او درې نور ټپيان دي.
د ننګرهار امنیه قومندانۍ د رسنیو مسؤل حضرت حسین مشرقيوال نن ازادي راډيو ته وویل چې دا حملې تېره ورځ ناوخته د هسکې مېنې ولسوالۍ په چهاروازې او نرۍ اوبو سیمو کې شوي دي.
داعش وسلهوالو تر اوسه د دې حملو په اړه رسنیو ته څه نهدي ویلي.
په دې وروستیو کې په هسکې مېنې او اچین ولسوالیو کې پر داعش جنګیالیو هوايي حملې زیاتې شوې دي چې یادې ډلې تهيې مرګ ژوبله هم اړولې ده.