د روسیې جمهور رئیس ولادیمیر پوتین نن هنګري ته تللی دی.
په هنګري کې د پوتین او د هنګري صدراعظم ویکتور اوربان کتنه نن په داسې حال کې پلان شوې چې د اروپايي ټولنې په اړه د امریکا متحده ایالاتو د جمهور رئیس ډونالد ټرمپ وروستیو دریځونو اندېښنې زیاتې کړې دي.
ټرمپ اروپايي ټولنې ته زیاته لېوالتیا نهده ښکاره کړې او پر ځای یې له مسکو سره د اړیکو نېږدې کېدو ته نیت ښودلی دی.
د پوتین د سفر اهداف اقتصادي مسایل، په هنګري کې د روسیې لهخوا د اټمي بټيو د رغولو تر لانجې لاندې مسئله او د طبیعي ګازو پېرل یاد شوي دي.
کارپوهانو ویلي هنګري ته د پوتین سفر یوه موقع ده چې دی وکولای شي هنګري وهڅوي څو په روسیې د اروپايي ټولنې له لوري د لګول شویو بندیزونو لیرې کولو ته هڅه وکړي.