د افغانستان اجرائیه ریاست وايي چې د احمد ایشچي او د ولسمشر لومړي مرستیال له قضیې سره به سیاسي چلند ونهشي.
د دغه ریاست ویاند مجیب رحیمي نن په کابل کې خبریالانو ته وویل، په دې اړه د حکومت دریځ معلوم دی او له دې قضیې سره به د قوانینو له مخې چلند کېږي.
نوموړی وايي:
"حکومت تصمیم نیولی چې له حقوقي او قانوني پلوه به دغه قضیه عدلي او قضایي ارګانونه څېړي او له دغې قضیې سره به له سیاسي برخورد پرته د افغانستان د قوانینو سره سم چلند کېږي."
د جوزجان پخواني والي احمد ایشچي د ولسمشر په لومړي مرستیال تور پورې کړی چې ده او کسانو یې هغه په جنسي لحاظ ځورولی، خو دوستم ته نېږدې کسانو دا ادعا رد کړې ده.
دوه ورځې وړاندې د افغانستان لویې څارنوالۍ د ښاغلي دوستم د نهو ساتونکو د نیولو امر صادر کړ.