په سوریه کې د رژیم ضد اسلامپالې ملېشه ډلې احرار الشام ویلي چې په استانه کې په مذاکرو کې ګډون نهکوي.
ټاکل شوې چې د سوریې په لانجه کې ښکېل لوري د روسیې، ایران او ترکیې په منځګړیتوب د جنورۍ په درویشتمه د قزاقستان په پلازمېنه استانه کې د روغې جوړې خبرې وکړي.
احرار الشام پرون چهارشنبه پر خپله انټرنټپاڼه ولیکل چې د استانې مذاکرو ته نهورځي خو په دې مذاکرو کې به د هغو پرېکړو ملاتړ وکړي چې د "ولس په ګټه وي".
په سوریه کې د رژیم مخالفې وسلهوالې ډلې او د سوریې د رژیم استازي به د استانې په مذاکرو کې برخه واخلي.