د تاجکستان پخوانی لوی درستیز د دوشنبې په ښار کې په یوه ترافیکي پېښه کې مړ شو.
د تاجکستان د کورنیو چارو وزارت ویاند فریدون محمد عليزاده د ازادي راډیو تاجکي څانګې ته وویل، ظریف شریفزاده چې پخوا لوی درستیز او د دفاع وزارت سلاکار پاتې شوی د چهارشنبې په ورځ په ترافیکي پېښه کې ساه ورکړه.
د تاجکستان د دفاع وزارت یوه مسؤل وویل چې پر شریفزاده د زړه حمله راغلې وه او بیا یې موټر له بل موټر سره ټکر شو چې روغتون ته د بیول کېدو پر مهال مړ شو.
د پېښې تحقیق روان دی.