ټولنیزو شبکو دا اسانتیا رامنځ ته کړې چې ډېر لېرې خلک سره نېږدې او ډېر نااشنا سره اشنا کړي.
په افغانستان کې چې ټولنیز بندیزونه ډېر دي، هلکان او نجونې هڅه کوي د موبایل او ټولنیزو شبکو له لارې له نورو سره رابطې جوړې کړي.
دلته ستونزه په رابطه کې نه، بلکې په دې کې ده چې دوه کسان سره مخامخ نه دي، د یو بل په اړه سم معلومات نه لري او د یو بل احساسات او غوښتنې په ښه ډول نه شي درک کولی.
دا چې ډېر ځوانان احساساتي او عاطفي چلند کوي، ډېر وخت د مقابل لوري ناسمې خبرې هم ورته سمې برېښي او د وخت په تېرېدو سره هغه ته تمایل پیدا کوي چې بیا د دې اړیکې پرې کول ورته ستونزمنه چاره برېښي.
له خلکو سره اړیکې جوړول او ساتل ښه خبره ده، خو دغه اړیکې باید خپلې سرې کرښې ولري، که له یو چا سره د ژوند د شریکولو نیت نه لرئ، بې ځایه هیلې مه ورکوئ او مه هم د ساعت تېرئ او ټوکو په خاطر له دغو اړیکو استفاده کوئ، ځکه کېدای شي مقابل لوري ته مو دغه اړیکه ارزښتمنه وه چې د له منځه تللو په صورت کې به یې د ژوند خوشالۍ ترې واخیستل شي.
تاندې څانګې پر فېسبوک وڅارئfacebook.com/TandySangy:
دا او د ازادي راډيو نورې خپرونې پر دې انټرنټي ادرس هم موندلی شئ: pa.azadiradio.com
او د همایون هېواد پر دې برېښنالیک پته د دې خپرونې په اړه نظرونه راسره شریکولی شئhewadm@rferl.org:
یادونه: "تاندې څانګې" د ځوانانو لپاره د ازادي راډيو خاصه خپرونه ده چې په کابل کې يې همایون هېواد جوړوي، دا خپرونه هره شنبې د دوه بجو او د سې شنبې په سهار د ۱۰ بجو په خپرونه کې خپريږي.
د تاندې څانګې دغه بشپړ خپرونه د (غږ) تڼۍ په کېکاږلو سره اورېدلی شئ:
Your browser doesn’t support HTML5
تاندي څانګې