افغان ولسمشر محمد اشرف غني د متحدو عربي اماراتو د دولت له رئیس شیخ خلیفه بن زاید ال نهیان سره ټیلیفوني خبرې کړي او د کندهار پېښه یې وغندله.
له ارګه نن په خپره شوې اعلامیه کې راغلي د متحدو اماراتو د دولت رئیس د دواړو هېوادونو ترمنځ په ټینګو اړیکو د ټینګار ترڅنګ وویل، دغه ډول کړنې د دوو ورونو هېوادونو ترمنځ عظیمه دوستي نه شي اغیزمنولای.
وړاندې په اعلامیه کې راغلي افغان ولسمشر د اماراتو د دولت رئیس ته وویل، په افغانستان کې د میشتو ډیپلوماټانو د ځان ساتنې او هغوی ته د خوندي کاري چاپیریال رامنځته کول د افغانن حکومت مسؤلیت دی او اړونده بنسټونو ته یې لارښوونه کړې ده چې د دغه کارونو په ترسره کولو کې هېڅ ډول هڅې ونه سپموي.
د یادونې ده چې وړمه ورځ کندهار کې په یوه چاودنه کې عربي ډپیلوماټانو او افغان چارواکو ته مرګ ژوبله واوښتله.