د افغانستان د سیمه ییزو ارګانونو خپلواکه اداره وايي هڅه پیل شوې څو د ځینو والیانو د شتمنیو د ثبت فورمې تر راتلونکو دوو اونیو پورې بشپړې شي.
د دغې ادارې ویاندې منیره یوسفزاده نن ازادي راډیو ته وویل، دا کار یې د قانون د پلي کېدو او د والیانو د امتیازاتو د ځنډېدو د مخنیوي په هدف کړی.
د فساد پرضد د مبارزې عالي ادارې ویلي، د هغو چارواکو حقوق او امتیازات یې ځنډولي چې تر اوسه یې خپلې شتمنۍ نه دي ثبت کړي.
په دغو چارواکو کې د ۱۵ والیانو او یو شمېر لوړ پوړي حکومتي مشران نومونه شامل دي.