د افغانستان د انتخاباتو خپلواک کمېسیون هغه ادعاوې ردوي چې ګواکې د دغه کمېسیون چارې ټکنۍ شوې دي.
د دغه کمېسیون کمېشنر او ویاند ګلاجان عبدالبدیع صیاد نن ازادي راډیو ته وویل که څه هم له تېرې یوې میاشتې راهیسې دوی مهم کارونه کړي، خو د دارالانشا د رئیس له ټاکل کېدو او د بودجې له منظورۍ وروسته بهیې فعالیتونه چټک شي.
دا په داسې حال کې ده چې د افغانستان د انتخاباتو لپاره د مدني ټولنو شبکه وايي چې د انتخاباتو په کمېسیون کې د غیر مسلکي کسانو ګمارنې د دې لامل شوي چې دغه کمېسیون په وخت خپل کارونه ترسره نهکړي.