د افغانستان کورنیو چارو وزارت وايي، د هېواد په بېلابېلو سیمو کې یې د نهو جلا جلا پوځي عملیاتو په ترڅ کې ۷۵ وسلهوال وژلي دي.
دې وزارت په یوې خبرپاڼه کې ویلي، په تېرو دوو ورځو کې یې د لوګر، فاریاب، هرات، خوست او ننګرهار په ولایتونو کې بېلابېل عملیات ترسره کړي او د حکومت مخالفو وسلهوالو تهیې درنه مرګ ژوبله اړولې.
د کورنیو چارو وزارت په خبرپاڼه کې د ۷۵ وسلهوالو د وژلو سربېره د ۹ تنو د ټپي کېدو او ۶ تنو د نیولو هم ویل شوي.
په دې خبرپاڼه کې حکومتي ځواکونو ته د اوښتې مرګ ژوبلې په اړه څه نهدي ویل شوي.
وسلهوالو طالبانو تر اوسه پورې په دې اړه کومه تبصره نهده کړې.