په کابل کې د ولسي جرګې د یوه غړي پر کور د تېرې شپې په انتحاري او بیا وروسته په وسلهواله حمله کې اته تنه وژل شوي او ۷ تنه نور ټپیان دي.
یوې باوري امنیتي سرچینې ازادي راډيو ته وویل، حمله په خوشحال مېنه کې په ولسي جرګه کې د هلمند ولایت د استازي معلم میرولي پر کور شوې ده.
د میرولي د کورنۍ یوه غړي په سیمه کې ازادي راډیو ته وویل چې په وژل شویو کې چې د هغه دوه لمسیان، یو یې وراره، دوهیې ساتونکي او دوه عام وګړي شامل دي.
نوموړی زیاتوي چې ولسي جرګه کې د یوه بل غړي عبیدالله بارکزي زوی حفیظ بارکزی هم په دغې پېښه کې وژل شوی او د میرولي په ګډون د هغه د کورنۍ یوه ښځه او پنځه مېلمانه په ټپیانو کې شامل دي.
د راپورونو له مخې په خپله میرولي د کړکیو او ښیښو د ماتېدو له امله ټپي شوی دی.
ولیس وایي، درې وسلهوالو انتحاریانو د معلم میرولي پر کور برید کړی و.
له حملې سمدستي وروسته کومانډو ځواک د میرولي کور ته ورسېد او له وسلهوالو حمله کوونکو سرهیې نښته پیل کړه چې ټول حمله کوونکي وژل شوي او جګړه پای ته رسېدلې.
وسلهوالو طالبانو د دغې حملې مسؤلیت په غاړه اخیستی دی.
د طالبانو ویاند ذبیحالله مجاهد ویلي درې وسلهوالو د هلمند د چارواکو پر یوې مهمې پوځي غونډې حمله کړې ده.د راپور له مخې په خپله میرولي د کړکیو او ښیښو د ماتېدو له امله ټپي شوی دی.
پخواني:
په کابل کې د ولسي جرګې د یوه غړي پر کور د تېرې شپې په وسلهواله حمله کې ویل کېږي پنځه تنه وژل شوي دي.
د وروستیو راپورونو له مخې، دا حمله په خوشحال مېنه کې په ولسي جرګه کې د هلمند ولایت د استازي معلم میرولي پر کور شوې چې د هغه د کورنۍ د دوو تنو غړو په ګډون پنځه تنه پهکې وژل شوي دي.
پولیس وایي، درې وسلهوالو انتحاریانو د معلم میرولي پر کور برید کړی و او درې وژل شوي د هغه ساتونکي وو.
روېټرز اژانس بیا په وژل شویو کسانو کې د ولسي جرګې د یوه بل غړي د زوی حفیظ بارکزي د وژل کېدو خبر ورکوي.
د راپور له مخې په خپله میرولي د کړکیو او ښیښو د ماتېدو له امله ټپي شوی دی.
د یو شمېر نورو کسانو د ټپي کېدو هم ویل شوي خو په دې اړه نور جزئیات نهدي ورکړل شوي.
له حملې سمدستي وروسته کومانډو ځواک د میرولي کور ته ورسېد او له وسلهوالو حمله کوونکو سرهیې نښته پیل کړه.
وسلهوالو طالبانو د دغې حملې مسؤلیت په غاړه اخېستی دی.
د طالبانو ویاند ذبیحالله مجاهد ویلي، دغه حملې یې د هلمند د چارواکو پر یوې مهمې پوځي غونډې کړې ده.
پخواني:
وسلهوالو کسانو د کابل ښار پنځمې امنیتي حوزې په خوشحال خان سیمه کې په ولسي جرګه کې د هلمند خلکو استازي معلم میرولي پر مېلمستون برید کړی.
د کابل ښار امنیه قوماندانۍ د جنايي جرمونو رئیس فریدون عبیدي له سیمې څخه د دغې پېښې په تائید سره وايي چې امنیتي ځواکونه سیمې ته رسېدلي او عملیات روان دي.
ښاغلي عبیدي د دغې پېښې په اړه لازیات جزئیات ورنهکړل خو زیاتوي چې د جګړې له پای ته رسېدو او څېړنو وروسته به له رسنیو سره معلومات شريک کړي.
په ورته وخت کې له سیمې څخه د ازادي راډیو خبریال وايي چې شېبه وړاندې هم یوه درنه چاودنه وشوه چې نوعیتیې نهدی معلوم خو جګره دوام لري او د ډزو غږونه هم اورېدل کېږي.
وسلهوالو طالبانو هم د دغې حملې مسؤلیت منلی.
پخواني معلومات:
وسلهوالو کسانو د کابل ښار پنځمې امنیتي حوزه کې پر یوه کور برید کړی.
د کابل ښار له پنځمې امنیتي حوزې څخه عیني شاهدان وايي چې د خوشحال په سیمه کې نصیب هوټل ته مخامخ پر یوه کور وسلهوال برید شوی.
ویل کېږي چې دغه کور په ولسي جرګه کې د هلمند ولایت استازي معلم میر ولي دی.
عیني شاهدان دغهراز زیاتوي چې په سیمه کې د ډزو او چاودنو غږونه اورېدل کېږي.
د کابل امنیه قوماندانۍ د جنایي تحقیقاتو رئیس ازادي راډيو ته وویل چې په دې اړه څېړنې روانې دي خو زیات جزئیاتیې ورنهکړل.
د وسلهوالو طالبانو هم د دغې مسؤلیت په غاړه اخیستی.