د سرپل ولایت په سنچارک ولسوالۍ کې نامعلومو وسلهوالو ۵ ملکیان په ډزو وژلي دي.
د سرپل د والي ویاند ذبیح الله اماني ازادي راډیو ته وویل، دا پېښه تېره شپه د تغاي په کلي کې په یوه مهمانخانه کې شوې او دوه تنه په کې ټپيان شوي هم دي.
تراوسه د دې پېښې علت نه دی په ډاګه شوي، خو چارواکي وايي په اړه یې پلټنې کوي.
د یو بل خبر له مخې د کندهارپه میوند ولسوالۍ کې د ماین په چاودنه کې د یوې مېرمنې په ګډون څلور ملکیان ټپيان شوي دي.
د میوند ولسوالۍ امنیه قومندان ویلي، دا پېښه نن لس نیمې بجې بېبانک سیمه کې رامنځته شوې ده.
تراوسه د دواړو پېښو مسؤلیت چا نه دی منلی.