بغلان ولایت کې د یوه ځوان لهخوا جوړه شوې کښتۍ پرون د لومړي ځل لپاره د دې ولایت په سیند کې وچلېده.
محمدهمکار د بغلان ولایت یو ځوان دی چې د ۶۰ زرو افغانیو په لګښت او د موټر سایکل دې یوه موټور په واسطه يې یوه درې کسیزه کښتۍ جوړه کړې ده.
هغه وايي، که حکومت يې لاسنیوی وکړي لویې کښتۍ به هم جوړې کړي.
نوموړی وايي:
"زه له حکومته غواړم چې امکانات راته برابر کړي څو وکولای شم د ملت لپاره خدمت وکړم."
د بغلان مقاماتو او خلکو د دې ځوان له ابتکاراتو هرکلی کړی او د بغلان والي ورسره ژمنه کړې چې د ابتکاراتو د عملي کولو لپاره به ورته زمینه او اسانتیاوې برابرې کړي.