د زابل والي او د دغه ولایت ښاروال د یوې وسلهوالې حملې روغ وتلي دي.
د زابل د والي ویاند ګل اسلام سیال ازادي راډیو ته وویل چې پر والي بسمالله افغانمل او ښاروال کریمالله حکیمي دغه حمله د زابل-کندهار پر لویه لار په شهر صفا ولسوالۍ کې شوې ده.
د سیال په وینا د زابل والي بسمالله افغانمل او د دغه ولایت ښاروال مرکز قلات ته پر لاره وو چې په شهر صفا ولسوالۍ کې يې پر موټریز کاروان وسلهواله حمله وشوه.
د سیال په وینا په دغې حمله کې چاته ځاني زیان نهدی رسېدلی او یوازې د والي موټر زیانمن شوی دی.
وسلهوالو طالبانو تر اوسه په دې اړه څه نهدي ویلي.