ايران وايي، د امريکا د کانګریس له خوا د بنديزونو غځول د اټمي موافقې څخه سرغړونه ده.
د ايران د بهرنيو چارو وزارت وياند بهرام قاسمي نن ويلي:
"موږ به دا خبره د ايران له خوا د دې موافقې د پلي کېدو او ارزونې کمېټې سره شريکه کړو،موږ په هر حالت کې د خپل ملت د حقونو خوندي کولو ته چمتو يو."
دا خبرې وروسته له هغه دي چې د امریکا سنا پر ايران د راتلونکو لسو کلونو لپاره د بنديزونو لايحه پرون تصويب کړه.
دغه لايحه به اوس سپینې ماڼۍ ته ځي او ټاکل شوې ده ولسمشر بارک اوباما به یې لاسليک کړي.
د اوباما ادارې چارواکي وايي، دغه قانون له ايران سره له اټمي موافقې سرغړونه نه کوي.