د انتخاباتو خپلواک کمېسیون وايي، د اصلاحاتو او د کمېسیون د تشکیلاتو د بشپړېدو لپارهیې کار پیل کړی دی.
د دغه کمېسیون کمېشنر ګلاجان عبدالبدیع صیاد نن ازادي راډیو ته وویل چې د کمېسیون د تشکیل له پوره کېدو وروسته به د ولسي جرګې او ولسوالیو شوراګانو د انتخاباتو د مهالوېش په اړه پرېکړه وکړي.
ښاغلی صیاد زیاتوي:
"انشاءالله موږ به په دې اړه خپلو غونډو ته دوام ورکړو او کله چې د کمېسیون تشکیلات پوره شول بیا د ولسي جرګې او د ولسوالیو شوراګانو د انتخاباتو په اړه به پرېکړه وکړو."
ولسمشر غني د انتخاباتي کمېسیونونو لپاره د نویو کمېشنرانو تر معرفي کولو وروسته له دوی څخه وغوښتل چې د ولسي جرګې او د ولسوالیو شوراګانو د انتخاباتو لپاره چمتووالی ونیسي.