د پاکستان صدر اعظم نواز شریف ډګرجنرال قمر جاوید بجوا د هغه هېواد د پوځ د نوي مشر په توګه وټاکه.
د صدراعظم دفتر نن ویلي چې جنرال بجوا بهد راحیل شریف ځای ناستی وي.
راحیل شریف هغه پوځي قوماندان وو چې د امنیتي حالاتو په ښه کولو او د تندلاره اسلامپاله ډلو په ځپلو یې محبوبیت درلود.
جنرال بجوا به د نومبر پر ۲۹ نېټه د شمېر پر اساس د نړۍ د شپږم لوی پوځ مشري وکړي.
تمه کېږي چې د بجوا په ټاکلو سره به د پاکستان د پوځ او حکومت تر منځ ترینګلي اړیکي ښې شي.
صدراعظم نواز شریف دغه راز جنرال زبیر محمود حیات د پوځ د لوی درستیزانو د کمېټې د مشر په توګه وټاکه.
حیات به په دغه موقف کې چې په هغه هېواد کې تر ټولو لوی پوځي منصب دی پر اټومي ځواکونو او شتمنیو بشپړ صلاحیت ولري.