د افغانستان حکومت وايي، امنیتي ځواکونه له ۳۰ افراطي وسلهوالو ډلو سره په جګړه کې ښکېل دي.
د ارګ د مطبوعاتي دفتر یوه مرستیال ویاند شاه حسین مرتضوي پرون دوشنبه ازادي راډیو ته وویل چې وسلهوالو په جبهوي جنګ کې ماته خوړلې او له دې امله پر سپېڅلو، مذهبي ځایونو حملې کوي.
شاه حسین مرتضوي زیاته کړه:
"موږ له افراطي ډلو سره چې شمېر یې ۳۰ ته رسېږي، په بېلابېلو سیمو کې په جګړه کې ښکېل یو. ټول افغانان د دې ډلو پر اصلیت ښه پوهېږي. امنیتي ځواکونو په مخامخ جګړه کې دې ډلو ته ماتې ورکړې ده."
شاهحسین مرتضوي په کابل کې د شیعهګانو پر جومات پرونۍ حملې ته په اشاره وویل، وسلهوالې حملې د افغانانو تر منځ نفاق نهشي اچولای.