د افغانستان جمهوري ریاست د کابل ښار نننۍ انتحاري حمله وغندله.
د ارګ اعلامیه کې د ولسمشر غني په قول ویل شوي چې د افغانانو دښمنان د وحشت د خپرولو په هدف داسې حملې ترسره کوي.
د افغانستان کورنیو چارو وزارت د معلوماتو له مخې د کابل په نننۍ انتحاري حمله کې څلور تنه وژل شوي او ۱۳ نور ټپیان دي.
د دغه وزارت ویاند صدیق صدیقي ازادي راډیو ته وویل چې دا حمله د امنیتي ځواکونو په موټر شوې ده.
تر اوسه کومې وسلهوالې ډلې د دې حملې مسؤلیت نهدی منلی.
له دې وړاندې د نوومبر په ۱۲مه د بګرام په هوايي اډه کې انتحاري حملې څلور امریکایان ووژل او د یوه پولنډي سرتېري په ګډونیې ۱۶ ټپيان کړل.