د موټرو تمځای یا پارکینګ په ښارونو کې د بېروبار او پر واټونو د ډېرې ګڼې ګوڼې مخه نیسي نو اړینه ده چې په ښارونو کې هره ودانۍ ځانکړی پارکینګ ولري، تر څو د بې نظمۍ مخه ونیول شي.
خو ښایي تاسو هم لیدلي وي چې په اکثره لویو ښارونو کې که پارکینګ وي هم د پارکینګ خاوند په کرایه ورکړی وي ګودام یې ورنه جوړ کړی یا هم د موټرو د درولو پر ځای نور کار ورنه اخلي.
ځیني کسان بیا د پارکینګ د کرایې لپاره موټر پارکینګ ته نه بیایي د سړک په غاړه یې داسې دروي چې ټول سړک نیسي بیا نو لارې دومره بندې شي چې د څو دقیقو مزل ساعتونه نیسي په پیل کې د څو تنو هغو کسانو خبرې اورو چې وایي، په اکثره ځایونو کې پارکینګ شته خو ګودام ورنه جوړ شوي.
د سړک له غاړې د موټر پارک کول نه یوازې دا چې نور خلک په تکلیف کوي بلکې په خپله د موټر خاوند ته هم لوی سرخوږی جوړوي.
د پروګرام اورېدو لپاره لاندې لېنک کېکاږئ:
Your browser doesn’t support HTML5
کورکلی