د عراق په فلوجه ښار کې په دوو ځانوژونکو بریدونو کې لږ تر لږه اته کسان وژل شوي او شل تنه نور ټپیان شوي دي.
د راپورونو له مخې ځان وژونکو چاودېدونکي مواد په دوو موټرو کې ځای پر ځای کړي وو او فلوجه کې یې د پولیسو دوه پوستې په نښه کړې.
د جون میاشتې راهیسې چې عراقي ځواکونو د فلوجې ښار بېرته له داعش وسلهوالو ونیوه دا لومړی ځل دی چې په دې ښار کې بریدونه کېږي.
د دوشنبې ورځې بریدونه په داسې حال کې کېږي چې د عراق حکومتي ځواکونو له کُردي پېشمرګه ځواکونو او شیعه ملېشو سره یوځای د داعش له وسلهوالې ډلې څخه د موصل د نیولو عملیات چټک کړي دي.