د بغلان کرنې ریاست مسؤلان وايي چې سږ کال بغلان ولایت کې د پیازو په محصولاتو کې ۸۰ سلنه زیاتوالی راغلی دی.
د دغه ولایت د کرنې ریاست د کرنیزو چارو مسؤل محمد سالم نن ازادي راډیو ته وویل چې سږ کال ټولټال ۸۳۸۵۰ ټنه د پیازو محصولات لاسته راغلي خو د وړ بازار د نشتوالي له کبلهیې بیې د تېرو کلونو په پرتله څو برابره رالوېدلې دي.
ښاغلی سالم وایي چې اوسمهال بغلان ولایت کې یو من پیاز په ۱۰ افغانیو پلورل کېږي حال دا چې تېر کال په ۸۰ افغانیو پلورل کېده.
نوموړی وايي چې پاکستان د تورخم لار د افغان سوداګرو پر مخ تړلې نو ځکه ورځ تر بلې د کورنیو تولیداتو بیه ټيټېږي.