د افغان حکومت اجرائیه رئیس وايي چې د وسله والو ډلو د مشرانو وژل کېدل به د دغو ډلو له کمزوتیا سره مرسته وکړي.
عبدالله عبدالله نن د وزیرانو شورا د غوندې تر پیل دمخه رسنیو ته وویل د القاعده د غړي القحطاني وژل کېدل یوه لاس ته راوړنه ده.
د القاعده دوه غړي فاروق القحطاني القطري او د بلال العطبي تېره اوونۍ د کونړ ولایت په غازي اباد ولسوالۍ کې د امريکايي ځواکونو په هوايي حمله کې ووژل شول.
ښاغلي عبدالله وايي چې د القاعدې او داعش تروریستي ډلې د افغانتسان په بېلابېلو سیمو کې فعالیت لري.