د ننګرهار په پچیراګام ولسوالۍ کې د جګړې له امله ګڼ شمېر کورنۍ نورو سیمو ته تښتېدلي دي.
د ازادي راډيو خبریال وايي چې ډېرې کورنۍ په جلالاباد او شاوخوا سیمو کې پرتې دي.
له پچیراګام ولسوالۍ یو اوسېدونکی چې جلالاباد ته تښتېدلی وايي:
"خلک داسې راوتلي چې هېڅ شی یې نهدی ورسره اخیستی، هر چا یوازې خپل ماشومان تر بغل لاندې کړي او تللي دي."
د ننګرهار ولایت ویاند عطالله خوګیاڼی وايي چې بېځایه شویو خلکو ته د مرستو رسولو هڅې کوي خو امکاناتيې محدود دي.