مسکو کې د یوه څلور کلن ماشوم په قتل تورنې ښځې پرون دوشنبه په خپل جرم اعتراف وکړ.
هغه د روان کال د فبرورۍ میاشتې په نهمه د مسکو پولیسو نیولې وه.
د پولیسو په وینا، دا ۳۸ کلنه ښځه د ازبکستان ده او ګلچهره بابکولووا نومېږي.
دا په مسکو کې محکمې ته راوستل شوې وه او د محکمې په حکم مجرمه وپېژندل شوه.
هغه د یوې وېډیو تر خپرېدو وروسته ونیول شوه.
پهدې وېډیو کې لیدل کېږي چې د یوه ماشوم سر یې په لاس کې دی او «زه ترورېسته یم» نارې وهي.
د څارنوالانو په وینا، ګلچهرې د هغې کورنۍ د څلور کلن ماشوم سر پرې کړی و چې دا ورسره مزدوره وه او بیا یې کور ته اور اچولی و.
یو شمېر څارونکو ویلي چې هغې رواني ناروغي درلوده.