هلمند کې د ۲۱۵ میوند قول اردو مسؤلین وايي چې په نادعلي ولسوالۍ کې یې د وسلهوالو د ماینونو یو فابریکه لهمنځه وړې ده.
د دغه قول اردو قوماندان جنرال ولي محمد احمدزي نن په هلمند کې د یوې خبري ناستې پر مهال ویلي چې یاده فابریکه یې تېره شپه د قهر میوند په نامه د خاصو عملیاتو په نتیجه کې لهمنځه وړې ده.
د ښاغلي احمدزي په خبره په یادو عملیاتو کې یې ۱۵ وسلهوال مخالفین نیولي هم دي.
وسلهوالو مخالفینو تر اوسه په دې اړه څه نهدي ویلي.
په ورته وخت کې د یو بل خبر له مخې د هلمند په کجکي ولسوالۍ کې د سړک غاړې ماین په چاودنه کې یو ماشوم او درې مېرمنې ووژل شوې.
د هلمند ولایت له مقامه په خپرې شوې خبرپاڼه کې ویل شوي چې دغه ماین د طالبانو له لوري د سفلا په سیمه کې ځای پر ځای شوی و چې د قومي مشر زقوم اکا د کورنۍ پر غړو وچاودېد.