د امریکا د استازو د جرګې د اقلیتونو مشرې نانسي پلوسي او په سنا کې د اقلیتونو مشر ډموکرات سناتور هري ریډ پر خپلو جمهوري غوښتونکو همکارانو غږ وکړ چې په منصفانه ډول د جمهوري ریاست د ټاکنو د ترسره کېدو ډاډ ورکړي.
ډموکراتانو دا مسئله تر هغه وروسته راپورته کړه چې د جمهوري غوښتونکو کاندید ډونالډ ټرمپ په ټاکنو کې د درغلیو ادعا وکړه.
ریډ او پلوسي د استازو د جرګې پر مشر پاول راین او په سنا کې د اکثریت پر مشر مېچ مککونیل چې دواړه د جمهوري غوښتونکي ګوند غړي دي، تور پورې کړ چې د ډونالډ ټرمپ له ادعاوو سرهیې همکاري کړې او د هغه پرضد يې دریځ نهدی غوره کړی.
د راین ویاندې پرون په دې اړه په یوه خبرپاڼه کې وویل چې د استازو جرګې مشر د راروانو ټاکنو د مصونیت په اړه بشپړ ډاډ لري خود مککونیل له لوري لا په دې اړه نظر نهدی څرګند شوی.