د فراه ولایت د سوداګرۍ او صنایعو خونه وایي چې په دغه ولایت کې د جګړو له امله شاوخواد ۳۰۰۰ ګلخانې تخریب شوي دي.
د فراه د سوداګرۍ اوصنایعو خونې رئیس حاجي عسکر نن ازادي راډيو ته وویل چې له دغو ګلخانو څخه د ورځې ۷ یا ۸ ټنه ترکاري لکه تور بانجان، رومیان او بېنډۍ راټولېدل.
نوموړی وایي چې د ترکاري دغو محصولاتو نه یوازې د فراه اوسیدونکو اړتیا پوره کړې وه، بلکې کندهار، هلمند ،هرات او کابل ولایتونو ته هم استول کېده.
حاجي عسکر وایي چې له دې سره د ایران او پاکستان څخه د ترکاریو د ورداتو
مخه نیول شوې وه.