لوړ رتبه امریکايي مقامات وايي، هغه میزائل چې د یمن شیعه وسلهوالو پر امریکايي بېړۍ توغولي دي، د ایران لهخوا دغې ډلې ته ورکړل شوي دي.
د سنا د پوځي خدماتو د کمېټې مشر جان مککین چې دفاع وزارت ورته د امریکا پر یوې جنګي بیړۍ د دریو میزائیلو د برید په اړه معلومات ورکړي، پر حوثي شیعه وسلهوالو د ترسره شوې ځوابي حملې ملاتړ وکړ.
د امریکا سمندري پوځ پرون د لېرې واټن ویشتونکو کروز میزائیلو پهواسطه د یمن د حوثي وسلهوالو د رادار مرکزونه لهمنځه یوړل.
جان مککین وویل، د امریکا سمندري پوځ په دې ځوابي عمل سره کلک پیغام ورکړ چې دا ډول تیرې به ونه زغمي.
د امریکا د بهرنیو چارو د وزارت ویاند جان کربي هم ویلي چې حوثي وسلهوالو ته دا میزائیل ایران کړي .
نوموړي دا هم وویل چې ښايې حوثیانو یو شمېر داسې میزایل د یمن له حکومتي ځواکونو نیولي وي.
ایران په ښکاره د حوثي یاغیانو ملاتړی دی خو دا ردوي چې ګواکې دې ډلې ته وسلې ورکوي.